કલકત્તા, 6 જાન્યુઆરીભારત આ વર્ષનાં અંત સુધીમાં લદ્દાખમાં હિમાલયના પહાડો પર દુનિયાનું સૌથી મોટું દૂરબીન બનાવવાનું કામ શરૂ કરી શકે છે. જેના દ્વારા સૂર્ય સંબંધિત તમામ પ્રક્રિયાઓનું અધ્યયન કરી શકાશે. બેંગ્લોરના ઈન્ડિયન ઈન્સ્ટિટ્યૂટ ઓફ એસ્ટ્રોફિજીક્સ (આઈઆઈએ) દ્વારા બે મીટરનું અત્યાધુનિક રાષ્ટ્રીય સૌર દૂરબીન ભારતીય વૈજ્ઞાનિકોને સૂર્યનો અભ્યાસ કરવામાં મદદ કરશે.
આઈઆઈએનાં પૂર્વ નિર્દેશક સિરાજ હસને ભારતીય વિજ્ઞાન કોંગ્રેસનાં એક સત્રમાં કહ્યું હતું કે, 'કેન્દ્ર સરકારને એક પરિયોજનાની રિપોર્ટ સોંપવામાં આવી છે. અમે આ વર્ષનાં અંત સુધીમાં દૂરબીનનું નિર્માણનું કામ શરૂ કરીશું. આ પરિયોજના 2017 સુધીમાં પૂરી થઈ શકે છે. આ દૂરબીન પાછળ 150 કરોડ રૂપિયાનો ખર્ચ થશે અને જેનાથી દિવસે અને રાત્રે પણ જોઈ શકાશે.'
ઉલ્લેખનીય છે કે દુનિયાનું સૌથી મોટું દૂરબીન હાલમાં 10 મીટરનું ઓપ્ટિકલ દૂરબીન છે, પરંતુ આ ભારતીય દૂરબીન અન્ય સૌર દૂરબીનો કરતાં મોટું હશે. 1.6 મીટરનું સૌર દૂરબીન હાલમાં અમેરિકા પાસે છે. જમ્મુ અને કાશ્મીર વચ્ચેનાં લદ્દાખનાં મેરક ગામમાં આ દૂરબીન બનાવવા માટે જગ્યા પસંદ કરવામાં આવી છે.
